Nordamerika Arkto

La Nordamerika Arkto enhavas la nordajn partojn de Alasko (Usono), Kanado kaj Gronlando. Ĉefaj akvopartoj estas la Arkta Oceano, la Hudsona Golfo, la Golfo de Alasko kaj Norda Atlantika Oceano. La okcidenta limo estas la Duoninsulo Seward kaj la Beringa Markolo. La suda limo estas la Arkta Cirklo je latitudo 66° 33’ N, kiu estas la proksimuma limo de la Noktomeza suno kaj de la polusa nokto.

Tiu regiono estas difinata per mediaj limoj, kie la averaĝa temperaturo por la plej varma monato (julio) estas sub 10 °C (50 ℉). La plej norda arbolimo apenaŭ sekvas la izotermon ĉe la limo de tiu regiono. La areo havas tundron kaj polusan vegetaĵaron.